Phuahtu: P.C Lalrokima
Satu: North Mizoram District PYD Choir
Tlang tin, ruam tin han hawi vel ila,
A lang e Lal ram tul zia;
Chhantu nei lo leh chhandamtu hre lo an tam,
An her liam mek e, boralna lamtluang zawhin,
Chhantu an ngai, chhandam an ngai e.
Buhseng tur a tam, sengtu an tlem si,
Chhanchhuah tur an tam, thawktu an tlem si;
Thim hnuaia lengten an mamawh che,
Boral mekten min au e, nang leh kei,
"Tu nge ka tirh ang, tu nge ka tan kal ang" tiin Lalpan min ko.
Awi maw, chatuan thihna lam panin,
An her liam, an kal zel e;
Tu nge chelh ding ang? Tuin nge hruaikir dawn le?
Hmanhmawh rawh kan tlai ange, aw unau, muang suh,
Pakhat tal i hruai kir dawn lo'm ni?
Kristan pasaltha ral do mekten,
An nun, an theihna an hlan;
Vanglai tha a chuai lei danin an kal liam mek,
An sulhnu chhuia an hmabak chu zawm turin,
Lalpan a zawng atan tuar tur.
Sual ngaihdamna leh chhandamna thu,
Hrila puangtute kan ni;
Pathian pakhat chauh Lal Isua chanchinmawi leh,
Chanchintha famkim mi tin, hnamtin damna hi,
Hrilin puang zel ang thuthlungfaten.
0 comments: