28 Apr 2022

A sei vawng vawng

Phuahtu: K.C Lalrinsanga
Satu: Lalrindiki Renthlei


Chhingkhualah mahriaktea run khawhar ka nghah laiin,
Thinlai Zochhum ang a lo zing riai e;
Suihlunglen hnemtu leh thinlai ruk ti hlim thintu,
Aw, ka di lenna tlang lamtluang a sei vawng vawng.

Ka ngai em che a ni, ka thinlai luahtu ber,
Chhingkhualah zawng e, bawihte, lunglen a sei thlawn e,
Suihlunglengin mahte'n tlaini ka leng reng mai.


Sakhmel dar ang intawnga lungrual te'n kan lenlai khan,
Hmangaihna duhten par ang kan tlan a;
Kan sakhmel hlim lai leh kan thinlai lungruk te chu,
Chhaktianga turnipui chhuak iang hian a eng riai si.

Chhingkhualah hian e, bawihte, ni rei cham mah ila,
Khuarei hnem zawh rual a ni lo suihlunglen hi;
Sul ang haw zai rel a lam ang let leh hma loh zawng,
I tawnah suihlunglen hian kian zai a rel lo'ng e.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: