Ka tlei thei lo

Phuahtu: Lalbiakenga Pachuau
Satu: Zirtluangzeli Renthlei

Di ngaih suihlunglen a na kei ka tan,
Mual hla kar danan riahrun min rem san maw;
Lenrual hlui zawng zingah ka vai ruai asin,
I sakhmel tawn loh kar lunglen a na, a na ngei e.

Zantlaiah in run han kai mah ila,
I sakhmel tawn tur reng hi a awm si lo;
Lunglen ti zualtu mai an chang zo ta,
Min hnem zo reng an awm si lo,
Ka ngai, ka ngai em che.

Han dawn ve la, i zun ngai a riang chan hi,
I tel lo chuan ka tlei thei lo, duhlai;
Sul ang lo hawn zai rel thuai ang che aw.

Lenrual zawngte chu an kawp lai di nen,
Hlimten an leng e engdang dawn lo ten;
Nang nena buan ang pawma kan nuih dun lai,
Min ngaih zual tir ka rual duhten,
Ka di, ka di Mampui.

Tlaitla lenkawl eng no ri riai te hi,
Chhing mittui far tir tu mai ang chang zo ta;
Aw, ka tan tawrh har mi u i tel lo chuan,
Nun hian awmzia a nei lo,
Ka ngai, ka ngai em che.