ALL INN

Phuahtu: Jacob Lalhriatrenga
Satu: Marina Vanhriatpuii Varte

Awmkhua a har, lung a leng mang e,
Ka ngaih lenrual lungduh zawngte;
Khawia'n tuan che u maw?
In dam maw? In tha tlang em?
Chung Khuanu'n min hual ang a,
Kan la intawng leh ngei dawnnia.

Aw, ka thian, aw, ka unau,
Lenna tlang chu dang rih mahse;
Hun leh ni liam chuan intawn leh ni her chhuak se,
Kan hlimna, kan kimna runah thingpui no dawm leh in aw,
Intawng leh ngei ang 'ALL INN'-ah ngei.

Zankhua a tlai luaithli ka nul e,
Ka hmangaih, ka chhung leh kuate;
Min hnem thiam awm ang maw,
In hlim maw? In hlim tlang em?
Zan mu chhin a har ka ti,
Min hmuh tir rawh aw, ka u leh naute.

Thinlai a thar, tah a tul leh thin,
Chung mu ianga thlawk velin;
Fan ka nuam in lenna tlang,
Ka lo haw dawn, ka lo haw thuai dawn,
Intawnni her chhuak lul se,
Ka ngai che u, aw, ka ngai vawng vawng che u.