Lal Isua kraws hnuaiah chuan awmhmun ka lo rem a

Phuahtu: E.C Clephane
Lettu: Kapliana & Rev.Dr. Lalsawma
Satu: New Chalrang Presbyterian Kohhran Tleirawl Pawl 2014, Samtlang Adventist Youth Zaipawl (2006)

Lal Isua kraws hnuaiah chuan,
Awmhmun ka lo rem a;
Ka thla chau tan lungpui hlim nuam,
Hahchawlhna a ni a;
Thlaler ram rovah hahdamna,
Khualzinte tan in nuam,
Thawkrimte leh phurrit phurte,
Thlamuanga an chawlhna.

Aw, Nang, hahchawlhna lungpui,
Ka bel che min hum la;
Van hmangaih leh a felna te,
Nangmahah an inrem,
Hmanah thlahtu'n lung lukhamin,
Vanram a thlir ang khan,
Ka tan ka Tlantu kraws ngei chu,
Van leilawn a lo ni.

Lal Isua kraws ka thlirin,
Ennawm a lo lang thin;
Min tuarsaktu hliam tuar hmel leh,
Thi tur chu ka hmu a;
Thinlung mangang mittui tlain,
Ka puang thil lo lang chu;
A hmangaihna mak tak mai leh,
Keima sual bawlhhlawh hi.

Aw kraws, ka chenna atan,
Ka thlang i hlim nuam chu;
Ka Lal hmel eng mawi chauh lo chu,
Ni eng dang ka ngai lo;
Lei nun inher liam zel karah,
Hei chauh hi hriat ka duh;
Keima sual ngei ka mualphona,
Kraws erawh ka mawina.