Astronaut

Phuahtu: Peka Fanai
Satu: Rebecca Lallawmsangi & Peka Fanai

Bawihte, i leng dun ang vawiin ni chu,
Hriat ngai loh ram nuam fangin i thlawk dun ang;
Chung leng thlawhnate fan phak loh,
Phawngpui tlang thlawh khumin, aw, i leng der der ang.

Zawlpal Tualvung ang khanin phengphehlepah chang dunin,
Thlawk delh delhin hmartawpah chhimbalah tawlh dun ang,
Ka chawnbanah hian nghet takin chelh tlat rawh,
Khua a thim dawn ta e, ni a ngui ruai saw,
Duhlai, ka tan hian rimawi i ni e,
Liando dar tum ri iangin kan tan i mawi.

Turnipui, lo dai rawh vawiin ni chuan,
Thilsiam mawiber nen laitual kan leng dawn e;
Astronaut thlen phak loh van boruak,
Siar ropui hmaah khian lam kan thai dawn e.

Zawlpal Tualvung ang khanin phengphehlepah chang dunin,
Thlawk delh delhin hmartawpah chhimbalah tawlh dun ang,
Ka chawnbanah hian nghet takin chelh tlat rawh,
Khua a thim dawn ta e, ni a ngui ruai saw,
Duhlai, ka tan hian rimawi i ni e,
Liando dar tum ri iangin kan tan i mawi.

Dumdeah chang ila zan khaw thimah eng vet vet ang,
Khisa zalna ramdaiah tlaikhua var ila i leng dun ang.

Ka chawnbanah hian nghet takin chelh tlat rawh,
Khua a thim dawn ta e, ni a ngui ruai saw,
Duhlai, ka tan hian rimawi i ni e,
Liando dar tum ri iangin ka tan i mawi.

Aw, dam reng la parmawi ber,
Aw, ka tan rimtui chang reng la,
Mifa tluk loh nuimawite,
Tarkun hun thlengin i lengdun ang.

Ka chawnbanah hian nghet takin chelh tlat rawh,
Khua a thim dawn ta e, ni a ngui ruai saw,
Duhlai, ka tan hian rimawi i ni e,
Liando dar tum ri iangin ka tan i mawi.