4 Apr 2022

Luah loh lung di

Phuahtu: Dina Jathang
Satu: Jenny Jathang


Kha leh chen hlimtein hun leh ni kan chhiar a,
Rinawmna vawng zelin kumtluanga awmdun turin;
Mahse maw, hmangaih kar tuanna tlang a lo dang a,
Rinawmna vawng lo vin hmangaih thinlai i hliam ta si,
Thinlaiah damni reng ka nei dawn lo.

Luah loh lungdi chang mah la,
Ka thinlungan i cham reng si;
Ka ngaih luat vang che hian,
Luaithli ka nul leh thin.


Chhan sang tam inthen nan tawk viau mahse,
Chhan khat chauh lungdam nan thinlung hian a pawm leh zel si;
Piang lo la, piang lo ngai hian e ka tap thei awm e,
Mahse maw, Khuanu hian kan tan rem min ruat ve si lo,
Ka tan hian e Khuanu a nuar em ni?

Tawn thar di nen tangthar i pawm leh mai turan,
Dawn chang hian e, lunglai chhum ang a lo zing leh thin;
Lo kir la thinlai hi a dam thei tawh chuang angem?
Mahse maw, thinlung hian sam ang a then thei mawlh si lo,
Mahse maw, bawihte, a rem si lo.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: