A tul ta si (Bang thei si lo)

Phuahtu: Kima Chhangte
Satu: DJ Lalvenhimi ft Sama

Hmanah chuan hlimtea lengdunin,
Tu dang ngai lo tein zantlai neman,
Ka tang i belh thin kha,
Mahse, tuanna mual dang vang nge,
Biak zai reng min rel si lo,
Lungrunpui lung ka vai chuang bik hi.

Di, i zun ngaih luat vang hian e,
Lenrualten min sel leh thin;
Mahse, i tan ka tuar zel ang,
Tawn tawh loh tur di i zun vang hian,
Luaithlipui ka nul leh thin,
Bawihte, vawi khat chauh tal min hnem leh rawh.

Bang thei si lo di i tawnan,
Ka hringnun hian hlimni a nei si lo,
Kei zawng mahten hringnun hman zai rel a tul ta si.

Ka hmangaih em che avang hian,
Tawrh loh tur ka tuar leh thin,
Tlangrel, sawi pawh ka phur leh thin,
Mahse, ka hmangaih che vang hian,
Engkim hi ka tuar leh thin,
Min nghilh bik lul suh aw, ka di lungrun.

Dawn atam tah khua a sei lua e,
Engah nge hetiang tura,
Khuanu paw'n min lo duan bik le,
Nang ang renga ka lungdumtu
Tawng leh hian ka inring lo,
Lungrunpui, min la nghilh bik lo tiraw?