1 Apr 2022

Ni thar duhawm

Phuahtu: Rpa Ralte & DJ Lalvenhimi
Satu: DJ Lalvenhimi


Zing tian khawvar a lo eng a,
Khawvel mawina zawng a lo par vul a,
Ni thar duhawm tak chu a lo herchhuak e,
Lungngaihnate, beidawnnate zanin a liampui,
Hun kalta zawngten min rawn chim buai tawh lo'ng,
Ka hnungchhawn ta e, tunah chuan hmatiang ka rawn pan e.

Aw, i kianga thangvansanga,
Len ka nuam e, aw, ka nuam ngei e,
I kut vuan chung zelin lam ang aw,
I kianga awm ka ning lo'ng e,
Ka ning lo'ng e zankhua rei mahse,
Aw, nang nen hun leh ni i chhiar ang aw.


Zankhua lo tlai, mahriaktein,
Ka han dawn vel thin hringnun reng hi,
Ngui leh chauh chang nite thleng thin mahse,
Zam mai lo vin theihtawp chhuahin,
Hmatiang sawn chungin ka zai zel ang a,
Chutin nang nen hlimten lungrual dunin,
Tunah chuan hlimni a herchhuak e.

Tunah chuan hlimni a herchhuak e,
Aw, i kianga thangvansanga,
Len ka nuam e, aw, ka nuam ngei e,
I kut vuan chung zelin lam ang aw,
I kianga awm ka ning lo'ng e,
Ka ning lo'ng e zankhua rei mahse,
Aw, nang nen hun leh ni i chhiar ang aw.



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: