27 Apr 2022

Damna Kraws

Phuahtu: P.C Lalthakima
Satu: K. Vanlallawmi, Maruati (H Lalremruati)


Isu, Davida fapa min pel lul suh aw,
I tawngkam khat chauh pawh kan tan damna a ni si;
I puan hmawr chauh dektu pawn damna a chan kha,
I tihdamna chan beiseiin Lalpa ka rawn pan che.

Kan natna leh lungngaihna zawng zawng I phur tawh a,
Kan bawhchhiatna vanga hliama awmin;
Vuakna vual tea tihdam kan lo ni tawh si,
Haleluiah ti damtu chu fakin i zai ang u.


Eden sual natna zawng zawng Kraws thiltihtheihnain,
A hneh tawh avangin damna kim kan chang tawh si;
Krista thisen hlu tak chu mitin tan damna,
Chu thisena silfaite chuan damna kim an chang thin.

Hmanah Mosian thlalerah dar rul a khaikang a,
Tu pawh en apiangin damna an chang thin ang khan;
Kraws lera khaikan Krista mitin tan damna,
I thlir ang u damna kraws kan tan damna a ni.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: