Jerusalem thar nuam

Phuahtu: C Lalzarzova
Sau: Chhiahtlang Pastor Bial Zaipawl

Zaiin ka chawi nang e van Jerusalem thar nuam,
Kei misual riangvai tan a buatsaih ram chu;
Lungngai, rethei, riangvaite tan hahchawlhna,
Van dumpawl piah ram mawi ka thlir bang thei lo.

Aw, chu hmun nuamah chuan,
Inthen vanga mittui tlak a awm ngai tawh lo'ng,
Lalnunnema kiangah lungngaih awm tawh lo vin,
Lungduh then takte nen fak zai kan vawr za ang.

He ka lei hringnun hi a vullai reng a tawi lua e,
Phul pangpar ang hianin a chul leh mai thin;
Mahse, hringnun piah lam khawpuimawiah chuan,
Chuani reng nei lo vin hlimin ka leng ang.

He lei hi zawng lungduh inthenna ram a ni,
Ngai em ema inthen a tul leh si thin;
Suihlung kan rual hun tur van Jerusalem thar nuam,
Nghakhlel takin ka thlir ka chung thangvan.