Ka duhlai

Satu: Lalramnghinglova

Ka lungkham tleitiri ka thinlai lalnu,
Zawlkhaw derhken par mawi ten;
Rimenhawi iangin par vul chhing chheng,
Ka tawnah.

Lungchimtea tu dang leng dang ngai lo reng hian maw,
Tangnemah nau ang a bei hle hle a,
Ngaingam tea lendun tluka hlu hi a awm lo,
Lungrun, Khuanu zarah inten lo'ng aw.

Zan daifim tla no nghial iang renga en nin loh,
A kimtlang a mawi chungchuang,
A bahsam lah darzai a zam em ni,
Ka hmangaih che.

Arkai thlapui eng ruai han thlir changte hian maw,
Ka hmatiang hun leh ni tur,
Duhthu tin samin kan thlir dun thin,
Suihlung siin.