4 Apr 2022

Ka rinna

Phuahtu: H Lalmuankimi
Satu: H Lalmuankimi


Khawvel mawina zawng ral leh mai tur,
Lei taksa mawina pawh chuai leh mai tur;
Natna leh lungngaihna, bawrhsawmnaten min nuai mahse,
Ka rinna chuan i hmelmawi min hmuh tir thin.

Ka thlaphang lo'ng i angchhung nuamah,
I thlazar hnuaiah min chawlh tirin;
Thihna hlim ruam zawh chang awm mahse,
I kut chakin min chelh reng si.


Khawvel sanna leh a chakna zawngte,
Luipui ang lianin min hip thin mahse;
Hahchawlhna, thlamuanna famkim awm si lo,
Ka rinna chuan i hmel eng min hmuhtir thin.

(Aw, ka hringnun hian nang chauh angai che Lalpa,
Rinnain ka thlir thin van khawpui mawi,
Ka nghakhlel i kianga len hun.)

Ka lei hringnun hi a ral ve hun chuan,
Ka ngai lo'ng khawvel hnutiang chhawn ram hi;
Min lo hmuak anga angel var rual rimawi nen,
Ka rinna chuan i ram nuam lam ka thlir thin.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: