28 Apr 2022

Kan ngai em che Zuapa

Phuahtu: Sawmtei Lianha
Satu: H.D Lalthanhliri

Kawpten hlimtea kan lenlaiin maw,
Dan zawh loh awmlai lunglian lo hrang chuan;
Kei ka Zua pawm lai chawnbanah kai e,
An hruai lui ta fam khaw siang lawi turin.

I thai leh hrailengte'n kan zuam ne'maw,
Zua tel lo va damlai hringnun hman chu;
Theih ni se hring lamah lo kir leh la,
Kan ngai em che, aw, kan ngai em che Zuapa.


Hlimtea laitual len leh nan tiin,
Thlang tiang damna dawi run pui kan bel a;
Suihlung phang reng reng a hun kan hman laiin,
Thlafam dairial min chansan ta si maw.

Thiam thang khawlah sakruang rial ang dai nen,
Lam ang let nan za lamtluang kan zawh a;
Tah lai kan bang thei lo, luaithli kan nul leh thin,
Hrilh kan hai e, lung lam kan vai ruai e.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: