28 Apr 2022

Ngaihlai Zuapa

Phuahtu: Maremi Hnamte
Thluk siamtu: Maenga Pachuau
Satu: H.D Lalthanhliri

 
Lenkawl lo eng ka tan tahna a lo ni e,
Awmlai lunglian a lo hrang e vanduai runah;
Awmhar nau ang ka tlei zo lo, ka au ruai che,
Ka zua nunnem min chhang si lo, a na emai.

Ka ngai em che zuapa lo kir leh rawh,
I tel lo va damlai hringnun kan hmang tur hi;
Kan zuam lul lo, kan la tiam lo, ngaihlai Zuapa,
Mahse, dan rual loh vin famkhua a lawi ta si.

Chunnem dungthul zuapan kir zai a rel lo ve,
Hmatiang thlirin ka hawi ngam lo lenrual zingah;
Chun leh zua lo va kan leng tur i phal em ni?
Hnutiang min chhawn mai kan ngai thiam thei lo ve.

Thiam thang runpui zirtirtu tha zaidam nunnem,
Zai tin rem thiam zoawi sakhming a cham reng e;
Suihlung ti leng zual tur an maw i sulhnu te,
Sakhmel tawn tur awm lo hlimthla kan bih leh thin.

Thalfam vangkhua han lawi ta la ngaihngam te in,
Lei hringnun ngai lo vin muang ten Van Lal awi la;
I hring damchhung sul tin kan chhui lung a leng e,
Tapin tlai ni kan leng kumpui sul vei mah se.

I ngaih Lalpa kiangah muangte'n lo chawl ang che.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: