5 Apr 2022

Krista ka kulhpui

Phuahtu: H.P Lalremtluanga
Satu: Sailo Lalsangzuali

He lei cham chhungin ringtu nunkawng zawh hi,
Hlim chang tam mahse harsatna a tam si;
Harsatna kan tuar hi vanduaina ni lo vin,
Min hmangaihtu Lalpa remruat zawk a lo ni.

Ka lawm zel tawh dawn si engpawh lo thleng mahse,
Krista ka innghahna a nghing ve ngai lo;
Engpawh lo thleng se Krista ka kulhpui chu,
A rinawm zia chu nitinin a zual zel si.


Sawichhiat, mualphona ni tinin tuar thinin,
Mihring hmaah chuan thiamchanna ka nei lo;
Ka thiamchanna zawk chu Krista a nih avangin,
Engkimah min hria e, chu chu ka lawmna ber.

Khawvel thlirna chuan hriatthiam rual a ni lo,
Mihring danah chuan tlakchhiatna lo thlengin;
Thlarau danah zawk chuan dinthar lehna niin,
Tisaa retheihna, thlarau hausakna zawk.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: