27 Apr 2022

Lalpa ka va ngai che em

Phuahtu: Roliana Ralte
Satu: K Vanlallawmi


Khawvel damlohna leh taksa bawrhsawmna vang hian,
Lungngaia chau vin ka mangang thin;
Khawvel finna zawng ten min tidam dawn lo em ni?
Tidamtu Lalpa ka ngai em che.

Lalpa, ka va ngai che em,
Ka mangang au aw hi lo chhang ang che;
Tanpui ngai te tanpui thintu Lal Nunnem,
Nangmah chauh ka thlamuanna chu i ni.


Zeng ten damna an hmu a, thisen chhuak a lo tawp,
Ramhuai zawl ten finna an nei leh;
Phar ten damna an hmu a, damlo an dam leh ta,
Min tidam ve rawh ka Lal duhawm.

Beidawngin ka rum thin a, hahchawlhna ka ngai em,
Hmangaihtu Lal Nunnem lo hnai rawh;
I fate tap leh ruma khat ensan ngai lo tu khan,
Min awmpuiin min kalsan suh aw.

Ka thinlung, engah nge lungngai i beidawn ni,
Lei taksa zawng ral leh tur a lawm;
Khawvel hrehawmna leh natna kan pelh hun chuanin,
Lungngaihna ten min chim tawh lo vang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: