Lalpa a mak ka ti thin

Phuahtu: J. Zaihmingthanga
Satu: Blessed Choir

Lalpa, a mak ka ti thin, mi fel zawkte i thlang lova,
Mi sual nung tlak lo kei min thlang hi;
Khawngaihna thilthlawnpek chatuan daih a ni si,
Lalpa, a mak ka ti thin.

Mak tiin damchhung ka hmang ral ang,
I hmangaih thuk zia ka dawn chang hian;
Van ropui kalsana sual fa min tlan tura,
Lei thimah i lo vakvai.

Lalpa, a mak kher mang e, mi ropui leh mi fing aia
Khawvel thil hmuhsitawm i thlang hi;
Khawvel ropuinate i ti mualphova,
Lalpa, a mak kher mang e.

Lalpa a mak zel a ni, mi sual aia mi fel thih chu,
Mi sualte boral nana hmangin;
Tho leh Krista nangin min ko ta mai hi,
Lalpa, a mak em a ni.

Lalpa, a mak zel fo vang,
Vanin ka lo thlen hun pawhin;
Ka tlantu hmel chu ka hmuh hun chuan,
Lawmna mittui luangin min lo kuangkuah ang,
Lalpa, a mak dawn mang e.