Ritleng dar ri

Phuahtu: K Lalnunzira
Satu: Kimkimi Zathang

Ritleng dar ri ngai lanu val rual te,
Harh in tho r'u, Zonunmawi a her liam pui mek e;
Lanu, valrual ten hei hi hria se,
Khaw nge Zonun hlimna thuruk chu?

Hmanah chuan maw run in mawiin,
Duhthulengsamin an hlim za;
Chu an hlim leh lawm, mawi leh nuam,
Mobile phone in a thlak pui hi kei zawng ka phal lo ve,
Ritleng dar ri, Zonunmawi hruai bo lul suh ang che.

Modern lanu leh val rual zawngte u,
Tuan rel lo va ritleng dar i ngaih bang ila;
Tum kawng sum sen a tlem ngei ang,
Chun leh zua thlung lu reng kan ti hai ngei, a lam i thlir ang aw.

Harh in tho r'u, lanu, valrual te,
Hmalam thlira pheilai vawr zawng mawi kalsiam remin;
Hmatiang sawn zai i rel ang aw,
Thatchhiat, dawngdah, elrel bansan in.