28 Apr 2022

Malin min awmtir suh

Phuahtu: Rev. Laltholeha
Satu: C Muani


Ka chhandamtu kei min hruaina dan hi,
Mite hmuh loh thuthlung min hmuhtir a;
Thuthlung vang hian e ka Lal, ka chhandamtu,
Kei i bawih chak lo hi danglam vein,
Ka duh thil pawh ka chan ve ta e.

Lalpa, ka va ngai tak che em,
Ka nun hi e, a chau em em a ni;
Tahna ruam atang hian ka au che a ni,
Malin min awm tir suh, Lalpa, ka mamawh che.


Mahse, Lalpa, ka nun a buai si a,
Thuthlung phatsan ka thei bik mawlh si lo;
Min pui rawh, Lalpa, malin min awm tir suh,
Min theihnghilh suh ang che ka Lalpa duhtak,
Thuthlungah ngei i tan ka awm reng dawn.

Thuthlung phatsan turin min thlem mah la,
Ka theih loh zia i hai hian ka ring lo;
Reilote atana hlimna mai ai chuan,
Pathian mite nena tuar ka thlang zawk e,
Min kalsan la, kei pawn ka thlah nang che.

Ka hmangaih zia che pawh i hriatreng kha,
Mahse, thuthlung min vawn pui thei si lo;
Chuvang chuanin e, ka liam mai ta nge,
A derin kan nung ngai lo kan thuthlungah,
Thuthlung vang hian duhlai mangtha aw.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: