Van tukverh

Phuahtu: Tp Siamtea
Satu: K Vanlallawmi

Aw, khawvel finna lo sang zel hi,
Setana khalh tiang a chang ta em ni?
Mimal tin, chhungkua leh kohhran te,
Boralna kawng min zawh tir mek hi.

Hmangaih vangin zalenna kan nei,
Mahse, kan zalenna kan hmang sual a;
Kan duhthlanna ngeiin sualah kan tlu,
Mahse, Zoram hian kan hrethiam lo.

Aw, Thlarau Thianghlim lo leng leh rawh,
Chhantu kan ngai kan boral mek;
I van tukverh rawn hawng leh la,
I khawngaihna aw kan hriat theih nan.

Aw, kei ni Lal rawngbawltu te hian,
Lungchhia inchhirin thupha chawi a;
Chanchintha Thlarau zia kan ni si,
Nun Krista hmel lanchhuah tir zel in.

Aw Lalpa, Zoram dung leh vang hi,
Fang chhuak la, mitin thinlung ti var la;
Khawlohna silhfen bawlhhlawh hlip zel in,
Thlemnaah min zirtir zel ang che.