Kan ngai tawh lo'ng

Phuahtu: Mangheta

Satu: Malsawmtluanga (Mama), Amtea, Mama Khiangte

Kan tan hmunsiam in a kal ta e, Lal Isua chu,

A lo kal leh ang amah ngei chu;

Chhum zingah khian a hnenah min hruai ang,

Ropuina kan chang ang, aw, a va nuam dawn em.

Chu ram mawiah chuan angel ho ten,

Hlim zai an vawr e, an aw neih zawng nen;

Mi huai kalta ten hla mawi an rem ve,

Thlen ve hun, aw, ka nghakhlel e.

Aw, Isu, i ram ka thlen ve hunah chuan,

Lei nun reng kan ngai tawh lo'ng;

Beram no Isu, i hmel kan hmuh hun in,

Kan mittui a hul tawh ang,

Aw, a va hlimawm dawn em,

Chu ram mawi kan thlen hun chuan;

Hmangaihte nen kan leng tawh ang,

Lei nun reng kan ngai tawh lo'ng,

Lungkham reng kan nei tawh lo'ng,

Aw, a va nuam dawn em.

Ka tan chu ramah hmun a awm ve,

Krista thisenin min tlan tawh vangin,

Hmatiang lam panin tlan zel ila,

Chu van khawpui mawi ka thlen hma chuan.

Leiah ringtute tlawm mah ila,

Chu van khawpuiah tih ropui kan ni ang;

He lei hrehawm a tuarna zawng hi,

Kan Lalpa hmaah lawmna hla tur.