3 Jun 2022

Lalpa kohhran ho

Satu: Sakawrtuichhun Pastor Bial Zaipawl (2019-2021)

Lalpa kohhran ho a thisena lei,
Kohhran thianghlim hi;
Pumkhat lo ni tur leh in hmangaih tawn turin,
Lalpan a duh, a mite tan a ngen a ni.

Lal Kristaah chuan kohhran thianghlim ho,
Amah taksate pumkhat kan ni si a;
Hmangaih hruikhat vuana,
Lungrual taka kan Lalpa rawngbawl tur kan ni.

Lalpa kohhran thianghlim ama chenna kan ni,
Khawvel zawng zawnga kal a rawngbawl tur kan ni;
Khawvel hmangaih vanga a nunna ngei hlantu,
Kan Lalpa Isuan pumkhat turin min duh,
Chatuan, chatuan a tan.


Chhungkaw tinte pawh pumkhatna vawng a,
Kan khawtlang enin kan ram leh khawvel pawh,
Ti eng zel tur kan ni,
Inpumkhatin kan Lalpa rawng i bawl ang u.

Lalpan ropuina a pa hnena mi,
Kohhran ho min pe;
Pumkhat kan nih theih nan anmahni ang turin,
Nitinin thlarau thianghlimin min hruai rawh se.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: