Misual chhandamna

Satu: One In Christ

Kalvariah ka Lal tawrhna ka thlir,
Mittui a luang, a na, a na ngei e;
Hmangaihna vanga ka tan a nunna hlanin,
Kraws lerah chuan khaikanin a awm si.

A thisen luangchhuak chu ka tan a va hlu em,
Kei misual chhandam nan a tawk a ni,
Ka Lal thisen chhuak chuan ka sualna zawng a thleng fai,
Kei misual chhandam nan a tawk a ni.

Hmangaihna thu ka tana hrilh zawh rual loh,
Khawngaihna mak ngaihdamna famkim chu;
Boral mai tur chhandam ka lo nih theih nan,
Luruh hmun chu ka tan a thlang ta si.

Hmangaih vanga a nunna hlan ka Lalpa,
Ka tan a hlu khawngaihna ropui chu;
Thisen chhuakin ka tan kraws lerah thiin,
A nun a hlan nun tam ka lo neih nan.