Phuahtu: Lalrinchhana (Puia)
Satu: ATC Male Voice (2013-2014)
Ngaihni a bang thei lo Jerusalem thar khi,
Hmangaih lungduh fam hnu rauthla vangkhua;
Angel var nen suihlung an rualna hmun.
Chu ram nuamah kan thlen hun chuan,
Tah leh buaina (mangang, lusun) a awm tawh lo'ng;
Chutah inthen a awm leh tawh ngai lo vang.
Lungduh kan then takten nghakhlel takin min ko,
Rangkachak tual nuamah an leng siau ve;
Aw, min nghak reng thihna luiralah khian.
Chu hmun han thlengte chuan khawvel an ngai tawh lo,
Hawiloparmawi thliakin an kal zel e;
Nunna thing par tlanin an leng del del.
Ropuina in a hual ka thlir bang thei lo ve,
Tah chuan van pangparte an vul chiai e;
Nunna tui a luang del del chu ramah.
3 Jun 2022
SHARE
Author: Four Brothers' Mizo lyrics verified_user
The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com
0 comments: