Phuahtu: Lallianmawia Pachuau
Satu: Lallianmawia Pachuau, Elizabeth Zodinpuii, Sangtea Renthlei, Sangtei Khuptong
Saisenteta chun chawi lai khan,
Thinlaiah di zun reng a cham lo;
Tunah nau chawi ka lo seilian a,
Ka tawng - thliah loh tleitiri.
Thliah loh tleitir hawilopari,
Sakruang kimtlang mawi hluani;
Hringnun zia reng hian maw kei zawng,
Suihlung min dum zo ngei e.
Khua fur hawk tui luang liam ianga,
A chuang a liama ka hma ngai tu;
Awi maw, theih chang se hlan hial ka nuam,
Van khua leh tui malsawmna.
Hrilh thiam a har, sawi thiam a har,
Hetiang reng renga ka hma ngai tu;
Piang leh thei hian kei zawng ka ring lo,
Hei ang ema lung hnem thiam.
Lungrualtea chawn ban vuanin,
A saw phai nuam phul hring del chunga'n;
Biahthu rinawm tiama leng dunin,
Kan chen damlai par mawina.
1 Jun 2022
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: