Kalvari damna

Phuahtu: R Dokhuma
Satu: One In Christ

Eden bawhchhiatna avangin,
Pathian hmelma kan lo ni a;
Sual vanga tih hranin kan lo awm a,
Lalpa Pathian mithmuhah chuan,
Damlai awm lo chhe lailet der,
Sual tinreng leh tihdam ngai kan lo ni.

Kalvari damna, aw, Kalvari damna chu,
Aw, mi tinreng, a duh apiang tan a ni;
Lei leh van puithiam Lal ber,
Lal Isua enkawlah chuan,
I nat tinreng tihdam turin pan thuai rawh.

Mitdel, kebai, zeng, phar te leh,
Ramhuai záwl damlohna tinreng;
Lei mihring thiam thilin a phâk loh chu,
Finna leh remhriatna tinreng,
Hmanga an beidawnna pawh,
Tih dam theih loh a nei lo Lal Isuan.

Mi hausa leh retheite leh,
Mi tinreng leh a duh apiang;
Lal Isua tuarsakna ringtute chuan,
A thlawnin damna kim an hmu,
A thlawnin changtu an ni zel,
Kan rilru, kan taksa, thlarau damna.

Setana tihduhdahna leh,
Diabola'n a phuarna che chu;
Lal Isua'n a hneh ta, i lo dam ta,
Kraws thiltihtheihna hmang chungin,
I hmelma Setana chu,
Hnehna thu puan khum rawh, puang zel rawh.

Kalvari damna, aw, Kalvari Hospital,
Aw, mi tinreng, a duh apiang tan a ni;
Lei leh van daktawr thiam ber,
Lal Isua enkawlah chuan,
I nat tinreng tihdam turin pan thuai rawh.

Kan rilru, kan taksa, thlarau damna.