A rei lo em

Phuahtu: Lalmuansanga Hnamte

En ve teh u, romei zam saw,
Tlangtin leh mualtin a kai chiai e;
Mual zapui dana leng ka di ve khan,
A thlir vein ka ring thin e.

An va chuai hma em kan hlimlai ni,
Suihlungruala tudang ngai lo leh,
Nau ang hlimte'n kan nuih lai ni,
A rei lo em, a rei lo em,
Uaia chulin hmanlai an chang zo ta.

Nunhlui ngaihawm, nunhlui ngaihawm,
Hlim leh lawma lenlai ni zawngte;
Au mah ila kir thei chang si lo,
Ngaih tizual, dawn titam tura'n.

Min sel lo u, min sel lo u,
Lunglen hi ka tuar thiam lo a ni;
Auh ruai ka nuam i hlimthlaleng pawh,
Lenna tlang dang a pawi ber mai.