16 Jul 2022

Phu loh di ngai min ti

Phuahtu: Lalduhawma Hnamte

Ka thlir vela kan tuanna tlangte,
Thal khawdur leh di ngaih ai ang tho,
Tah lai ni zawng a tam di ngaiin,
Kan sulhnu ram reh a'n chang zo ta.

Siahthing zar awi Lelthang zaiin,
"Phu loh di ngai" mi lo ti;
Hmangaiha min zawngtu, Di bawihte,
Ka ngai em che, lunglengin ka khat.


Siar hmingthang Hrangchhuan, Chawngmawii,
Indi mahse sam ang an inthen leh thin;
Ka lunglai di ka tawng bik nem le,
Sam ang then nan khua reng a sei tawh em.

Zatlang relin di bang thei si lo,
Kar min dan le, i chun leh zuate'n;
Hmelma annem vangin her lo la,
Indi bang lo'ng awmlaileng lo chuan.

Riahrun rem zai i rel tawh zawk ang,
Karah hraite i chawi tawh si a;
Hmangaih vanga lo piang hmangaih chu,
Hmangaihnain hlimte'n i pawm dun ang.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: