Aw ropui ber

Phuahtu: Lalnunpuia Hrahsel
Satu: Hlimhlimi

Van boruak zau tak te ka han thlir vel a,
Siar eng leh lungdum chhawrthla mawi tak te,
I kutchhuak anni vek si a,
Hmuh phak loh van awm zawng zawng te pawh,
I thua her vel an ni, i ropui, i ropui ber e.

Aw, ropui ber, Siamtu ropui Lalpa,
Engkim chunga thuneitu Lal Ropui i ni.

Leia thil zawng zawng te ka chhui vel thin a,
Parfung chawi leh awih thiam sirva mawi tak te;
I kutchhuak an ni vek si a,
Piallei thuahriat chhunga rohlu te,
I thua siam vek an ni, i ropui, i ropui ber e.

Aw, ropui ber, Siamtu ropui Lalpa,
Engkim chunga thuneitu Lal Ropui i ni.

Aw, ropui ber, aw, ropui ber,
Roreltu ropui i ni.

I van, i kutchhuak ka ngaihtuah changin,
I ropui zia a lang thin a,
Chung zawng aia mawia siamtu,
Halleluiah, ka fak che,
Halleluiah, Halleluiah, Halleluiah ka fak che.

Aw, ropui ber, Siamtu ropui Lalpa,
Engkim chunga thuneitu Lal Ropui i ni.

Aw, ropui ber, Siamtu ropui Lalpa,
Engkim chunga thuneitu Lal Ropui i ni.

Aw, ropui ber, aw, ropui ber,
Roreltu ropui i ni.