Chhawkhleipari

Phuahtu: H. Lalringa

Tlang zamualpui ka liam thei dawn lo,
Nghilh loh Tleitiri zunleng ngaih nen;
Ngaih lungrun chawnban ka vuan ang che,
Luaithlinul sam ang inthenni hian.

Dam takin aw, chhaktiang Chhawkhleipari,
Tawn leh ni awm ang maw, Lungrun;
Suihlunglen biahthu ka hrilh hman lo,
Luaithli nul sam ang inthenni hian.

Chhawrthlapui eng ruai khi ka tan chuan,
Sul ang min tum lo di zun ngaih nen;
Kumtluanga nang then hi ka zuam lo,
Thinlai hnemtu Mi u, mi dawnpui rawh.

Thlangkhuan pawh dim mah la, ka lungdi,
Chhawrthlapui en changin mi han dawn la;
I hlimthla te mai maw ka chan tawh,
Nghilh ni reng ka nei lo'ng che kumtluangin.

Ka chung thangvan zawla len thiama'n,
Kawplai di then hnu kha mi lo au e;
Auh ka nuam ve ngei e, ka lungdi,
Tlang zamualpui Parte ka liam ni chuan.