Thasensiari

Lettu: Amuana

Tinkim ka dawn, suihlung lenin,
Thinlaiah i cham reng si,
Lung ka dum ber aw tleitiri,
Ka ngai em che a sin,
Eng dang ka dawn thei lo a ni,
Ngaihlungrun nang lo chu,
Khuanu'n min tuah rempui zel se,
Hlimtea len ve nan.

Leng zawng zingah Thasensiari,
Chuai lo te'n vul zel la;
Lei lawm a kim ve ngei ang.

Hmangaih biahthu hlan ve theih nan,
Kawl lo eng zel se,
"Engtin min chhang ve tak ang maw?"
Tiin ka dawn thin a,
Lung ka phang leh si thin kei zawng,
Rualkhumi chhan nan chuan,
Chhuan tur dang reng ka nei ve lo,
Ka hmangaihna chauh lo chu.