Chuailopari

Phuahtu: P.S Chawngthu

Tawn changin suihlung ka vai,
Awi, a na, i zuna uai,
I piang e, thinlai tiriang reng a'n,
Kan tawnah nau ang nuarin,
Tleidangah lung her mah la;
Dawnlungrukah i hlui chuang lo'ng e.

Tleidang dar ang an leng e,
Mi tawna'n mawi mahna maw,
Thinlaia'n kham lo nang ang rengin,
Zaleng dang sirah hnawlin,
Nang ngaih zawng ka bang lo'ng e,
Kei ka tan a tha Chuailopari.

Kei ang hian min nagi ve maw,
Phu loh leng Chuailopari'n;
Thinlaiah nau ang min vei ve la,
I zunngai rairahriang hi,
Biah nemte'n min chhang ve la,
Tuar a nem ang i zun ngaih lunglen.

Tawnmang mawl a chang tur hi,
Ka dawnin thinlai a na;
Zarva ianga hlim ve lai nite,
Sakhmel mawi par ang lawma,
Nau ang nuih ve lai niin,
Sam ang thenni a her leh si thin.