Tawn leh ni herin ka ring lo (Lawm lo te'n laitual ka leng hne hne)

Phuahtu: Sangkhuma Hnamte (S. Khuma)
Satu: Lalenkawli Pautu, Zualbawihi (R Lalhmangaihzuali)

Chun leh zua chawi loh a riang val hi,
Eng tikah nau ang nuih ni awm maw?
Ka tawn di par ang ka lawm laiin,
Ngai lo te'n zamual min liamsan ta.

Tawn leh ni her hian ka ring si lo,
"Leng dang dar ang a chhai," an ti che;
Tuai leh thar nghakin kan vangkhuaa'n,
Lawm lo te'n laitual ka leng hne hne.

Zankhua tlaiin ami hraileng chu,
Sih nau ang di nen an nui dun e;
Kei ariang valin ka chan tawk chu,
Nau ang tah ruai ruai a lo ni e.

Puan ang min hnawl chuan a riang val hi,
Min ngai ve dawn lo'm ni, Lungrunpui?
Engah nge biahthu kan tiam lai khan,
"Ka duh che, Valmawi," mi lo tih le?

Kei ang hmangaihtu i tawng lo'ng e,
Lo kir leh mai rawh a riang tawnah;
Kha chen suihlungruala leng tawh hnu,
Engah nge puan ang min lo ban le?

A tawk ta e, nang ngaih chu mi u,
Leng dang tawnah thlangkhuandim mai rawh;
Khuarei suihlunglen chu dawn lo vin,
Tlei danga'n lunglai ka her ta'ng e.

Lalpa, khawngaihna ka dil a che,
Mal min sawm ve la, a riang te hi;
Ka chantawk leng dang an piang lo'm ni?
Kumtluanga runlum ka thai tura'n.