10 Jul 2022

Di Valmawi

Phuahtu: RTC Lalduhawmi
Satu: RTC Lalduhawmi


Min dawn pui ve la, rairah ka chan,
I phal bik em ni lunglam vaih?
Nunhlui puan ang hnawlin hlimte'n,
Ngaihlai di ka zawng zel che.

A leng zual thin Lungrunpui,
I tel lo va tlai ni len chu,
Di Valmawi, min tiam la runlum nuthai,
A dam ngei ang thinlai na.


Huiva lenthiam ti hian hrilh la,
Ainawnpar ianga sakhmel mawi;
Ngaih lai a zual zel si ka di,
Chin lem a nei thei dawn lo.

Eng dang ngai lo va buan ang pawmin,
Awi! hringnun tawi te i chen ang;
Di Valmawi, i kiangah chuan e,
Lei lawm a kim thin asin.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: