Damchhung ni ka chhiar thiam ta

Phuahtu: B Lalthlengliana (Thangkura)
Satu: Lalbiakthuama

Ka lei damchhung ni her vel zelah hian,
Natna leh mangan, tam leh khawharna;
Sum leh pai tlakchham leh retheihna te'n,
Min chim vel mahse, hmun a chang ta lo.

Lei ram buaina leh thihna lo thleng hian,
Ka nun ram Krista a ti nghing ngai lo;
Lal remruat lo thleng ka hun tawng zelah,
Ka buai lo'ng, damchhung ni ka chhiar thiam ta.

Lal remruat loh thil thleng reng a awm lo,
Thil lo awm mek hi awm tur reng a ni;
Thil mak leh thil thar reng pawh a awm lo,
Chatuana Van Lal ruat a lo ni e.

Hun leh ram bik pawh hi a lo awm lo,
Hmun tlawm leh hmun hlu reng a awm hek lo;
Mi lian leh mi te, Lal leh a riangfa,
Lungrualna Zion tlanga leng kan ni.