Hmangaihna a tawk e

Phuahtu: David Rualthankhuma
Satu: Lalnunmawia (Valtea), Peter C. Lalrinmawia

 
Ka suihlunglenin di a man thar zela,
Chung Khuanuleng zara fam ta lo chuan,
Lung rualpui dia'n ka sawm ve che,
Ka palaibawngte i hming chuanna,
Lo chawi nem hram ang che run nuamah.

Aw, engah hmanah ka lo tawn loh,
Zaleng zingah i mawi chuang e;
Theih chang se duhthuleng sam ang hian,
Khiangawiin ka thai chang mai teh la,
Dawn tam suihlunglen ka bang na'ng e.

Hmangaihna hian chin lem a nei thei dawn lo,
Senlai nau ang tah chang tam tawh mahse,
Kan nun kalsiam a her sual zel a,
Fam hnu nunhlui pialleia tham hnu,
Dan kir zai reng ka rel thei tawh lo.

Hlirin sawi thiam tehreng ila dawnlungruk,
I hai lo'ng i zun nau ang ka vei hi,
Zatlang relthang chhum ang lo zing mah se,
Nemte'n a chhana lak thiam ila,
Kan tuarah hmangaihna a tawk e.