17 Jul 2022

Zoram ngaih hla (F Rokima)

Phuahtu: F Rokima
Satu: Lalsangzuali Sailo


Awmhar lunglen ni hian ka dawn vel thina,
Hmanlai ngaiin run ram rehah hian;
Chhawl ang ka uai a ni tlangrel dawn lo hian,
Ka fam tak leh, aw Zoram, nang ngaih vang.

Kawrvai lo lian an mawl vanga,
Rualduhte zawng sam ang thenin;
Eng tikah dar ang tawng i maw,
Ka nghakhlel em mai kei zawng thinlaiah.

Vangkhua leh lungduhte tawn ni awm ang maw,
Tu nun ngai lo renga kan lenna;
Ngaihlai a zual thin a, chhingkhuala chanin,
Tawnmang chang thuai se, aw, Zoram ngai chu.

A dam kan hauh ang a chung Pathian zarah,
Tawn leh ni chu a awm na ve ang;
Ka nghakhlel em kei zawng rualduhte nen a,
Dar ang tawn ni tur kan Zoram ngeia'n.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: