29 Jul 2022

I zunzama uai chu a na ngei

Phuahtu: F Laltuaia
Satu: F Laltuaia, Thanga Jongte


Zaleng kimna Zawlkhawpuiah,
Tleitir dang leng zawng zawng zingah;
Ka thlang ber che thinlai hnema'n,
Zunleng zam hian min phuar vel a,
Aw, aw, i zunzama uai chu a na ngei.

Min hnem ve la, i ngai Vala,
Nang lo chuan hlimni ka nei lo,
Min phuar vela, i zunzam hian,
Tuar reng i har,
Aw, aw, i zunzama uai chu a na ngei.


Zanlhua tlaiin laikhum ka bel,
Zunleng zamin mi tho leh thin;
Pawna chhuakin chung siar leh,
Chhawthlapui khi ka thlir vel a,
Aw, i zunzama uai chu a ngei.

Tawn loh kar reng a rei lua e,
Chhinga vengah ka zawng vel che;
Dawrpui vengah i awm si lo,
Thakthing vengah ka zawng vel che,
Aw, Chanmariah tal tawn che nuam e.

Parte, ka hmangaihna zawng che,
Hrilh theih chang se ka nuam ve e;
Tuifinriat hi ziaktui chang se,
Khawmual zawng hi ziakloh chang se,
Aw, chuti chung pawhin ka hril seng lo'ng e.

Zunleng dam nan hmarcha ei hian a thak si a,
Chi liah lah hian a al si a;
Zammir ei hian a thur si a,
Tihngaihna dang a awm nem maw,
Aw, i zunzama uai chu a na ngei.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: