29 Jul 2022

Luah loh run

Phuahtu: Zirsangzela Hnamte
Satu: Zirsangzela Hnamte, H Lalmuankimi (Mamuani), Zomuanpuii, Remkimi Cherput, Lalchawii (LCi)

A khi chhak zo bawm romei zing riai,
Zo khawsang lentu chawi velah khian;
Thiah loh buk thlam iang a ding liai e,
Chhawlthing hnahnem te'n bawm chi chiaiin.

Zankhua a tlaiin leng zawng te chuan,
Run in taptualah senmei an chhi;
Mahse, chu run ram thim riaiah chuan,
Naunawn awrawl reng a thang ve lo.

Hmanah chuan hlimte'n laichhuata'n maw,
Siali hel Vala chham ang zal e;
Tual vawk rawl so ri, bawhar khuang nen,
Chiar nghin nghian run ka a thim zo ta.
Sawnni awm thei lo runin khartung,
Senmei dawhtling pawh rial ang dai e.

Eng vang kher hian maw run ram i chan?
Awmlaileng hrangin hel che'm ni le?
Nge, tuan tul vanga tlang dang belhna,
Chhung kim dar ang len i kham zawk le?

Khuai ang rauhsan run, aw, nang ang hian,
Luah loh run min chan ka rualduhte'n;
Hlimte'n lenlaiin kar lam hlaa'n,
Tuan zai an rel ta min dawn lo te'n.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: