Ka beisei thlawn lo vang

Phuahtu: P.C Lalchunglura
Satu: BCM Electric Pastor Bial Zaipawl, Lunglei (2014-2018)

Lalpa ka engkim a ni,
Ka nunkawng hruaitu a ni;
Ka mamawh zawng zawng pawh a hria,
Tlachhamin min awm tir ngai lo'ng,
Ka tan a rinawm, ka tan a hlu,
Ka beisei thlawn lo vang,
Nitin ka tan a thar zel thin.

Thihna hlim kawr ruam pawh zawh mah ilangin,
I kraws kawng chu ka zawh zel nang e;
Ka hmangaih zual che,
Beiseibo tan beiseina min pe a,
Nunthar min neih tir leh ta,
Thlah lo vin ka vuan zel ang che, Lalpa, aw Isu.

Sual hliam tuarin awm ila,
Ka lam hnaih zelin a hnai;
Tuarna pumpelh kawng ka zawhin,
Min hmuh tir leh thin Kraws kawng chu,
Ka buaina zawng te a hnen ka thlen,
Ka beisei thlawn lo vang,
Nitin ka tan a thar zel thin.

Nitin i hnena awm hi,
Ka thlarau damna a ni;
Hrilin sawi thiam ve ila aw,
Min hmangaih ropui hlut zia hi,
Ka hmangaih a che, ka Lal i ni,
Ka beisei thlawn lo vang,
Nitin ka tan a thar zel thin.