10 Jul 2022

Ka hmang ral leh thin

Phuahtu: Zirsangzela Hnamte
Satu: Zirsangzela Hnamte, Johan H Lalmalsawma, Ananda


Hmangaih ber duhlai, ka enchim loh di,
I tawnah lunglen a nem thei mawlh lo;
Kan sul i hnu leh i hlimthla thlirin,
Chhun ni leh zan khua ka hmang ral leh thin.

"Inthen lo'ng," ti a biahthudi kan tiam zawng,
Tawnmang chang maia'n ka phal lo;
Ka phal lo, Ma-i, ka phal thei mawlh lo,
Ka tah nan khua reng a sei dawn em mai.


Tuanna tlang dangin chhingkhual vangkhuaa'n,
Engtin tuar che maw, suihlunglen hi?
Kei zawng e, Ma-i, i ngai reng reng hian,
Chhun ni leh zan khua ka hmang ral leh thin.

Ka chung turnipui thangvanzawl kaiin,
I thaikawi bawngte ka lunglai hnemtu;
Ka run lo kai maw tia dawn chung hian,
Chhun ni leh zan khua ka hmang ral leh thin.

Hun leh nite hi rial ang ral thuai se,
Chutin e, nang nen duhaisam kim nan;
Tawn ni her thuai se, tia thlir chung hian,
Chhun ni leh zan khua ka hmangral leh thin.
 
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: