Ka nghilh lo'ng che

Phuahtu: Mka Chawngthu
Satu: Rinrini Lelhchhun

Mahte'n tinkim dawn chang hian,
Nang nen kan lenlai ni te;
Thinlaia'n a thar leh thin a,
Suihlung a leng zual thin e, aw bawihte.

Aw, khawiah nge i tuan tak le?
Tiin zanmu chhing lo ten ka dawn thin che;
Lengdang tawnah lungherin liam tawh mah la e,
Ka nghilh lo'ng che, bawihte.

Tlaikhua a lo ngui chang leh,
Lenkawl a hniam ruai ruai hian;
Nang nen buan ang inpawm a;
Lenlai min ngaih zual tir thin, aw bawihte.

Hun leh kum tam pawh liamin,
Lengdang tang chu bel mahla;
Keipawh nang ngaih suihlunglen,
Ban zai ka rel ve na'ng e, aw bawihte.