10 Jul 2022

Ka riang em mai

Phuahtu: Ellis Saidenga

Awmkhawhar tinkim ka han dawn a,
Hmana suihlungrual hlimlai ni zawng;
Thamral mai atan ka phal nem maw,
Nunhlui chul hnu dawn kir chang hian.

Tawn leh ni dawn changin,
Suihlung ar ang a vai;
Hun sul ang a liam zel si Parte
Ka dawnin suihlung ka mawl em mai,
I tawna'n awi, ka riang em mai.

Nang chu lung rual di nen van sang iang,
Suihlungruala hlim zai vawrza a;
Awmhar suihlunglen nemte'n tuarin,
Luahlai di nen chuan leng mah la.

Kei zawng nunhlui ngaiin,
Tahlai bang lo te hian;
Nunhlui mual liam hnu tapin ka au,
Kir zai rel reng hian a mawi si lo,
I tawna'n awi, ka riang em mai.

Aw, min hrilh la, suihlung i her chhan,
Sakhmel hal vang nge, hmelma anka?
I thaikawi bawngte lem ang derna mai a lo ni,
Riang ka tan chuan.

Thlir ve la, chung siar,
Kawp te'n suihlung rualin;
An leng za e, zantlaiah di nen,
Kei chu chhimtkang riakmaw iang hian e,
Ka vei zel em ni ang, i tawnah?

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: