10 Jul 2022

Lo kir rawh

Phuahtu: T Zorampela

Zankhua lo tlai in tinkim dawn ila,
Suihlunglen reng hi tuar thiam a har ngei;
Hlim lai par tawna, ken len ve laiin,
Tlei dang tang bela min liam san hi.

Kim ten'n dawn ve la kan nunhlui zawngte,
Puan ang chul reng a'n kei zawng ka phal lo;
Tahkhua sei tur hi min dawnpui ve la,
Lo kir leh mai rawh ngaihlai Valmawi.


Tlei dang leng zawngte sirah hnawl dunin,
Inthen lo'ng ti a biathu min tiam kha;
Tunah lung hera tlei dang i pawm hi,
Lem ang der mai mawi i tum lo ni?

Tlangrel leh sawi tam i tan huam zelin,
I lunglai hlim nan ka inpumpek a;
Tunah lung hera tlei dang i pawm hi,
Ka tling zo lo maw i dawn lungruk?

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: