31 Jul 2022

Ka tawngtaina

Phuahtu: RTC Lalduhawmi
Satu: RTC Lalduhawmi


Aw Lalpa, thinlung taka ka auhna che leh,
Thup reng nei lo va ka inpuanna hi;
I hnen thleng ngei sela,
I ngengpui lo chhun ve thei sela,
Nangma hnena tawngtai ka ni sia.

Lalpa, ka zawn zawng zawng te hi,
I hnenah a awm ringin;
I lam ka lo hawi ta a,
Lungngaihna aiin lawmna chu,
I hnen ata ka beisei tam zawk a,
Chu chu ka rindan mai a lo ni.

Aw Lalpa, lungnihlohnain ka khat fo thin,
I laka ni lo vin chanchhe zawk te hnuaihchhiah a'n,
Mite leh ram leh hnam, chhungkua thlenga
Rorel fel lo ka mit hian a hmu fo thin si.

Lalpa, i ngawi reng dawn em ni?
Eng chen nge i en theih dawn?
Dikna hi ram lal tiang a ni si a,
Aw, rorel fel, lei chungah thil tih tha lo te hi bo se,
Dikna thlifim leng rawh se.

Aw Lalpa, natna, mangan buainain min bawm a,
A chang leh thihna hruihrual te'n min zem thin a,
Thim zingah hian khawhar takin ka nghak reng thin che,
Nang lo chu beisei tur ka nei si lo.

Lalpa, ka zawn zawng zawng te hi,
I hnenah a awm ringin;
I lam ka lo hawi ta a,
Lungngaihna aiin lawmna chu,
I hnen ata ka beisei tam zawk a,
Chu chu ka rindan mai a lo ni.

Aw Lalpa, i kutchhuak leilung mawina,
Ka han thlir thung chuanin e,
Lei hrehawm hi ka tem thin,
An siamtu hnenah min hruai thleng la,
Tahchhuanin aw, nakin chu a tharin ka nei leh thin.

Lalpa, ka zawn zawng zawng te hi,
I hnenah a awm ringin;
I lam ka lo hawi ta a,
Lungngaihna aiin lawmna chu,
I hnen ata ka beisei tam zawk a,
Chu chu ka rindan mai a lo ni.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: