Kraws kei mi chawisangtu

Phuahtu: Upa C.D Lawma
Thluk Siamremtu: Upa C. Thansiama
Satu: Vohbik, Sangzuala Chhangte, Amosa Vocal Point

Thlarau saltang leh sual ritphur chunga,
Lungngai, mangang, ruma ka vah laiin;
Kalvari thing anchhedawng Krawsah chuan,
Ka Lalpa'n hnehna min pe ta.

Aw Kraws, aw Kraws, aw Kraws,
Kei misual thiamchan nan;
Aw Kraws, aw Kraws, aw Kraws,
Kei mi chawisangtu.

Kei misual bawlhhlawh thiltihtheih nei lo,
That ka lo tum fo theihna hmachhuanin;
Lungngaia ruma beidawng lo niin,
Ka Lalpa'n hnehna min pe ta.

Kei misual bo hnu mahni inkhengbet,
Keimahah Lal Krista a lo nung ta;
Khawvelin min tibuai thei tawh lo vang,
Ka Lalpa'n hnehna min pe ta.

Damchhung buai, mangan, lungngaih thleng mahse,
Ka hlau lo'ng Lal Krista ka phaw a ni;
Nitin Amah fakin ka zai tawh ang,
Ka Lalpa'n min hneh sak vangin.