12 Jul 2022

Kumsul vei hian

Phuahtu: Laltanpuia

Kumsul vei hian thinlai puan ang a thar e,
Aw, lung min len, hnutiang lenrual zawng khan;
Rauthla an chang zo ta, lungduh lenrual kimnaah,
Aw, an hringnun par ang an vullaini,
Hlimlaini rawn ngai ve maw?

Chung khua lo ri, thangvan rial a rum changin,
Hnutiang mual liam hnu min ngaihtir e;
Hlimte'n ka fang hmana lungrual zate'n kan lenna,
Aw, vang khawpui leh tumkawng zalamtluang,
Dai lamrawn a chul zo ta.


Hawi vel ila tlang bawm romei a zam a,
Tuahpui leh Phunchawng, Vau an lo vul a;
Par tlanin Sirvate'n tlangrawn thing tin zar an bawm,
Aw, ka hmangaih parmawi ka lawmlai di,
Lenlai ni a tawi lua e.

Aw, ka thinlai riakmawleng ang a lo vai,
Saisen teta chunnu'n mi chawi liana;
Rihsang kai hnu ngai turin Khuanu'n min siam em ni?
Aw, a na e, lunglen tuar ka thiam lo,
Tanglaiah min hmer vawng vawng.

Aw, ka thinlai zochhum ang a zing reng e,
Hawi vel ila tlang tin, mual tin a ngui;
Ami suihlungrual zawng vangkhaw mawiin an leng za,
Aw, khaw nge lawmlai di lung ka rualpui,
Lenlai ni a tawi lua e.

Chhak tiang turni thlang lenkawl a her liam a,
Chinlai lengin run tin an rawn chhiar a;
Awi, Ka nu, a kai lo kan run in chhung thim lumtu,
Aw, chhimthlipui nun hrang awmlai lianin,
Lawmlai di a her tliak e.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: