16 Jul 2022

Lungngaih dar ri

Phuahtu: F Vanlalchhuanga
Satu: Seraphic Choir


Lungngaih dar leh tap thawm kan hriat hian,
Khawvelah hian misual pakhatin an tlem a;
Vanah mi thianghlim an pung ve thunga,
Halleuiah, Lalpa hming chu fakin awm rawh se.

Aw, Van Zion, Beramno lenna,
Mi thianghlim leh Seraphim te zai remna;
Thisen vangin, aw, ka la thleng ngei ang,
Halleluiah, Lalpa hming chu fakin awm rawh se.


Keini pawh hi thihna tihbaiawm chuan,
Kan duh emaw duh lo emaw min la nuai dawn;
Chutah mi thianghlim an pung leh ang a,
Halleluiah, Lalpa hming chu fakin awm rawh se.

Hmangaih kal ta te ngaiin kan tap thin,
Thihna chauh hi vanram kawngkhar hawnna a ni;
Thihna leh chatuan nun kan inthleng a,
Halleluiah, Lalpa hming chu fakin awm rawh se.

Thlemna tuifawn leh sual rallian karah,
Kan nun chau vin thihna hial pawh lo thleng se la,
Roreltu tur chu min hmangaihtu kha,
Halleluiah, Lalpa hming chu fakin awm rawh se.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: