Ma-in a hmangaih che

Phuahtu: Lalhmachhuani Pachuau
Thluk siamtu: H Vanlalrova
Satu: H Lalthakima

Sakhmel tha chuang duhaisam val,
Zawlkhaw mawitu i tling zo ngei,
Nang ngei hi maw ka thian Ma-i'n,
Anka nema min hlan thin chu.

Cho zawh loh val mah ni la e,
Ma-i'n a hmangaih che asin;
A tan tawn loh di chang lo la,
Annem biahthu hlan ve zawk rawh.

Phu loh Thavalmawi mah ni la,
Kan runsang i lo kai zan khan;
A lei lawm kimna ber i ni,
Zaleng dang zawng sirah hnawlin.

Chung khuanu'n a duang thiam ngei che,
Chhingmit lenthiam val a thlang che;
Engtin biahthu hlan ve che maw,
Hlimte'n lendun a rem lo'm ni?

Lallai ngur nun val mah ni la,
Amte'n lendun zai rel a;
Kipte'n biahthu i hlan dawn chuan,
Duhsakna ka hlan che, Vala.